كيفية الشراء مباشرة من منصة البايننس عن طريق visa card او master card

 

السلام عليكم،

كيفية الشراء مباشرة من منصة البايننس عن طريق visa card او master card من بنك يدعم البايننس.

قبل ان ابدأ في الشرح، اود ان اوضح شيء، انا لست ب متداول محترف او اي نوع من هذا القبيل.

البارح قالولي راك تحسب في روحك... نتا جاهل... نتا كدا نتا كدا... انا يا خويا عندي معلومة بسيطة، شفتها محتكرة رغم انو الكثير لي يستعملها حبيت ننشرها هذا مكان. أما هاذوك لي خسرو الهدرة ، بعضهم بائعين لل USDT و حسبوها راح ينقطع رزقهم، ما تقلقوش ما ينقطعش.

تنبيه : القيمة المالية للشراء بهذه الطريقة هي نفس القيمة تقريبا كي تشري من عند واحد برا، و لا تساوي القيمة المالية بالجملة... تسما اذا بغيت تشري باسعار الجملة، هاذ الطريقة ما تربحكش و ما تصلحش، الحاجة لمليحة و المضمومنة هو انو ما راحش ينصبو عليك، و هي أأمن طريقة.

المهم بسم الله،

لشراء ال USDT مباشرة من المنصة او عمل ايداع بالدولار او الاورو، البنك الوحيد لي يتيح لنا الفرصة كجزائريين و حتى خاوتنا المغاربة، هو بنك دوكاسكوبي Dukascopy

دوكاسكوب هو بنك سويسري مبتكر عبر الإنترنت مقره في جنيف, سويسرا, البنك لديه مزايا عديدة :

يوفر بطاقات فيزا كارد، و بطاقات ماستر كارد (لي تساعدك اديها)

امكانية طلب بطاقات عديدة البلاستيكية او الافتراضية.

و بالطبع يوفرلك تفعيل البايبال 100٪ و ربطها (سواء الافتراضية او البلاستيكية)

البطاقات صالحة لمدة 4 سنوات و ليس سنتين مثل بايسيرا... 4 سنوات لكلا البطاقتين سواء الافتراضية أو البلاستيكية.

يمكنك تحويل الاموال عبر بايسيرا الى دوكاسكوبي دون اي عمولة عبر ال IBAN اي (التحويل البنكي).

يمكنك تحويل من عملة الى عملة أخرى دون اي رسوم بسعر السوق دون اي رسوم او عمولة، مثلا : حولت 50 أورو من بايسيرا، و انت فيزا كارد تاعك بالدولار في دوكاسكوبي، تحول المبلغ الى دولار في ظرف ثواني دون اقتطاعات و رسوم.

هناك فرع من فروع دوكاسكوبي تقدر تتداول فيه، و يتيحلك الفرصة تجبد من البايننس ( لكن مع الاسف ما نقدرش ندير شرح من هاذ الجانب لاني لم اجرب بعد).

الدعم 24/24 ساعة، و صراحة، احسن دعم شفته انا، غيرلي وجهة نظري من هذه الناحية، مقارنة بالبنوك الاخرى و حتى بايسيرا اللي كنت نعجز نراسلهم بسبب الرد المتأخر نوعا ما، لكن هنا، ما عندي ما نقول.

يتيحلك امكانية تعدد البطاقات بالعملات لي بغيتها سواء البلاستيكية او الافتراضية.

فيما يخص الرسوم لبطاقة دوكاسكوبي :

رسوم البطاقة بعملة ال CHF و هي الفرنك السويسري، اي العملة الرسمية للبلد.

سعر البطاقة البلاستيكية 15 CHF ما يعادل 14.30 اورو و تبعث بالبريد العادي توصل في ضرف 28 يوم. أو 25 CHF ما يعادل 23.83 اورو و النقل عبر شركة UPS ( ما علاباليش شحال تقعد باه توصل)

سعر البطاقة الافتراضية يقدر ب 9 CHFما يعدل 8.58 اورو و تسلم فوريا.

الرسوم الشهرية تقدر ب 2 CHF ما يعادل 1.91 اورو.

(الحاجة لي مليحة، انو الرسوم ماهي طالعة ما هابطة، تسما الدراري لي يجيبو بطاقة باه يزوخو بيها تجيهم غالية، و الناس لي تخدم بيها تجيها رسوم عادية)

بالنسبة لكيفية التسجيل :

عليك بتحميل تطبيق Dukascopy connect 911، حمله في المتجر الرسمي أو هذا الموقع الرسمي لهم https://www.dukascopy.bank/swiss/connect/ ( الرابط ليس فيه إحالة)

في المرحله الاولى : سجل عادي بالمعلومات الصحيحة.

في المرحلة الثانية سيتطلب تأكيد الهوية بالطبع، و تنتقل للشات الخاص بهم في التطبيق نفسه، تستنا 10 حتى 15دقيقة كأقصى تقدير و يعيطولك بالفيديو، المحادثة قصيرة جدا ولا تتطلب مهارات في اللغة، الأسئلة ستكون عن الاسم، اللقب، طبيعة العمل اذا كنت سجلت انك عامل، و يطلب منك تقلب الكاميرا و توريلهم بطاقة الهوية لي سجلت بيها و سلام.

المرحلة الثالثة هي شحن الحساب ب 25 دولار او اورو او جنيه (لي بغيت) لكي يتم التفعيل الكلي. و للي يتساؤل حول كيفية الشحن، تقدر تبعث من البايسيرا عبر التحويل البنكي كيما قلنا سابقا.

و هكذا يتم التفعيل الكلي للحساب.

البنك يمنح لك 5 DUK+ ما يعادل 5 اورو هدية ترحيب عند التسجيل فيه و وضع كود الشخص اللي درت الكود تاعه، و هو يدي 5 DUK+ ايضا، و تقدر تحولها للاورو و تستفاد منها اذا بغيت، نمدلكم الكود تاعي لي بغا يديره : E7M-LX5

واذا مابغيتش دير الكود هذا شوفلك كود تاع شخص آخر و ديره... المهم اعلم ان الكود إجباري باش تربح ال 5 DUK+

و يرحم والديكم ما تقلوليش درت هذا الشرح غير باش يدخلو كود الاحالة تاعك، يا خويا تقدر تدير كود تع شخص آخر و يديها هو بصحته، المهم دعيلنا دعوة خير هذا مكان

اما فيما يخص الشراء ببطاقة Dukascopy في بايننس، فالبطاقة مقبولة و البنك يدعم البايننس. استخدمتها شخصيا و قبل ما نستخدمها سقسيت الدعم و قالولي ان بايننس تدعم دوكاسكوبي و العكس ايضا.

فيما يخص منصة Gate لم اجرب بعد، لكن كي سقسيت دعم دوكاسكوبي، قالولي انه عليا مراسلة دعم Gate باش نتأكد.

المهم بايننس مضمونة 100٪ و عن تجربة.

و سمحولي كي طولت عليكم... لي عنده سؤال نحاول نجاوبه حسب معلوماتي راني متأكد فيها فقط.